|
Orš og tunga Til höfunda |
|
|
Um tímaritið Orð og tunga birtir greinar um orðabókafræði og orðfræði. Þar getur verið um að ræða greinar um tiltekin orðabókafræðileg viðfangsefni, um einstakar orðabækur eða tegundir orðabóka; einnig greinar um einkenni og sögu íslensks orðaforða eða afmarkaðs hluta hans, jafnvel einstök orð. Í hverju hefti er hluti greinanna (2–4 greinar hverju sinni) um fyrirfram ákveðið þema sem hefur verið undirbúið með málstofu um efnið; sérfræðingum um viðkomandi efni er boðið að taka þátt í málstofunni og skrifa greinar um viðfangsefni hennar í framhaldi af því. Miðað er við að í hverju hefti verði alls birtar 5–8 greinar auk annars efnis. Greinar í tímaritinu eru ritrýndar. Það felur í sér að auk ritstjóra verða þær lesnar af a.m.k. einum ónafngreindum sérfræðingi. Í framhaldi af því metur ritstjóri hvort viðkomandi grein fellur innan efnissviðs ritsins og svarar þeim kröfum sem gerðar eru til greina sem þar eru birtar. Auk almennrar kröfu um fræðileg vinnubrögð, trausta röksemdafærslu og skýra og lipra framsetningu eftir því sem framast er kostur, er ætlast til að höfundar fylgi þeim reglum um frágang sem settar hafa verið og fylgja hér á eftir. Tímaritið kemur út síðla hausts ár hvert. Handrit greina sem óskast birtar í næsta hefti skulu berast ritstjóra í tveimur eintökum (með tvöföldu línubili, góðri spássíu og númeruðum síðum) fyrir 1. júní. Heiti greinar ásamt nafni og heimilisfangi höfundar skal skilað á sérstöku blaði; nafn höfundar komi hins vegar ekki fram í sjálfu handritinu heldur einungis heiti greinarinnar. Utanáskrift og tölvupóstfang ritstjóra er:
Svar til höfundar um það hvort grein fæst birt, ásamt skýringum og athugasemdum, verður sent fyrir 1. september. Endanleg gerð greinarinnar, þar sem eðlilegt tillit hefur verið tekið til athugasemda ritstjóra og yfirlesara, verður að liggja fyrir í síðasta lagi 1. október. Stefnt er að því að allt efni tímaritsins verði smám saman gert aðgengilegt á vefsíðu þess og fyrst um sinn er miðað við að greinar verði birtar þegar tvö ár eru liðin frá útkomu viðkomandi heftis. Höfundar eru vinsamlegast beðnir að gera ritstjóra viðvart um leið og þeir skila grein ef þeir vilja ekki leyfa birtingu hennar á vefnum. Að öðrum kosti verður litið svo á að höfundur hafi veitt til þess samþykki sitt. Frágangur efnis Skil
greina Töflum og myndum þarf annaðhvort að skila sem postscript-skrám (.eps) eða útprentuðum á sérstöku blaði (ein tafla/mynd á hverju) í því formi að hægt sé að mynda þær beint. Stærð taflna og mynda verður að miðast við að þær (ásamt myndatexta) rúmist á 12x17 cm stórum leturfleti. Letur
og tákn Dæmi, þ.m.t. (stuttar) dæmasetningar, inni í meginmáli eiga að vera skáletraðar svo og bókatitlar, bæði í meginmáli og heimildaskrá. Feitletur á einkum við þegar leggja þarf sérstaka áherslu á orð eða auðkenna veigamikil hugtök sem til umfjöllunar eru en það skal þó nota sparlega. Aðrar leturbreytingar skal einungis nota ef brýna nauðsyn ber til og því aðeins að þær gegni augljósu hlutverki í textanum. Merking orða eða orðasambanda skal afmörkuð með einföldum gæsalöppum (t.d. kani ‘sleði') en beinar tilvitnanir inni í meginmáli með venjulegum (íslenskum) gæsalöppum (t.d.: eins og NN segir í grein sinni þá ,,er þetta ný merking" (ártal:bls.)). Ytri
umgjörð Greininni skal skipt í númeraða kafla og hverjum þeirra má svo skipta í undirkafla eftir því sem þörf krefur. Kaflarnir skulu fá lýsandi heiti auk númers. Bygging greinar gæti þá verið eitthvað á þessa leið:
Ef nauðsyn krefur má bæta við öðru lagi undirkafla, t.d. 2.1.1, 2.1.2 o.s.frv. Gert er ráð fyrir því að allar greinar hefjist á inngangi þar sem m.a. er skýrt frá meginviðfangsefni greinarinnar, efnistökum, efnisskipan og helstu niðurstöðum. Sömuleiðis á greinum að ljúka með niðurlagskafla þar sem ályktanir og niðurstöður eru dregnar saman. Greinaskil skal auðkenna með auðri línu og sömuleiðis á að vera auð lína á undan og eftir kaflaheiti. Hvergi skal hins vegar draga inn línur, hvorki í upphafi kafla né á eftir greinaskilum. Töflur og myndir skulu númeraðar og vísað til þeirra í meginmálinu með númeri (en ekki t.d. ,,taflan hér að ofan/neðan"). Þeim skal jafnframt fylgja myndatexti sem skýrir efni töflunnar eða myndarinnar (jafnvel þótt frekari útskýringar séu í meginmáli). Hverri töflu eða mynd skal skilað á sérstöku blaði en nauðsynlegt er að merkja greinilega fyrir slíku efni í textanum þar sem æskilegast er að koma því fyrir (en umbrotið verður að ráða því að einhverju leyti hvort það sé hægt); form slíkra merkinga getur t.d. verið: ...[tafla 1 komi hér] ... Neðanmálsgreinar skulu númeraðar frá upphafi til enda greinarinnar en fjölda þeirra og lengd skal stillt í hóf. Greininni þarf að fylgja stuttur útdráttur (hámark 200 orð) þar sem fram kemur viðfangsefni greinarinnar, kjarninn í umfjöllun höfundar (sjónarhorn, helstu rök o.þ.h.) og meginniðurstöður. Höfundar eru beðnir að skila útdrætti bæði á íslensku og ensku eða norðurlandamáli. Ætlunin er að útdráttur birtist bæði með greininni í tímaritinu (á öðru máli en greinin sjálf) og á heimasíðu Orðabókarinnar ásamt efnisyfirliti tímaritsins. Jafnframt eru höfundar beðnir að velja fáein lykilorð (á íslensku og ensku) sem lýsa efni greinarinnar að þeirra mati og ættu 3–5 orð eða orðasambönd að duga að jafnaði. Lykilorðin eru birt í lok greinarinnar og eru einkum notuð til að lykla hana í skrám bókasafna. Einnig þarf fullt nafn höfundar, nafn stofnunar sem hann starfar við (ef það á við), heimilisfang og tölvupóstfang að fylgja. Miðað er við að greinar séu að jafnaði ekki lengri en 10–15 handritssíður en inngangsgrein í þemahluta heftisins þó allt að 20 síður. Tilvitnanir,
tilvísanir og heimildaskrá
Heiti orðabóka(r) sem oft er vitnað til má skammstafa og skal skammstöfunin þá skýrð í heimildaskrá. Í heimildaskrá skal gefa nákvæmar upplýsingar um tilvitnuð rit — höfund, útgáfuár, titil bókar eða heiti greinar og rits sem hún birtist í ásamt upplýsingum um blaðsíðutal og árgang tímarits; jafnframt skal getið um útgáfustað og útgefanda bóka. Formið er þannig:
|
|